Rusiya ABŞ və NATO ilə təhlükəsizlik təminatı ilə bağlı danışıqlarda heç bir güzəştə getməyəcək.

KONKRET.az xəbər verir ki, bu sözləri Rusiyanın Britaniyadakı səfiri Andrey Kelin deyib.

“Dəqiq və aydın deyilib – heç bir güzəştə getməyəcəyik, bu, bizim prinsipial mövqeyimizdir”, – Kelin rus mediasına açıqlamasında bildirib.

O bildirib ki, Rusiyaya Avropada təhlükəsizliklə bağlı bir sıra məqamların müzakirəsi təklif olunur:

“Şübhəsiz ki, onların hər biri vacibdir – silahlar üzərində nəzarət, orta və yaxın mənzilli raketlərin Avropada yerləşdirilməsinə qadağa, şəffaflıq və etimadın yaradılması. Əgər bunların hamısını birgə müzakirə etsək, onda bizim əsas və prinsipial tələbimiz – NATO-nun genişlənməyəcəyi barədə dəqiq hüquqi təminat almalıyıq”.