Futbol üzrə Rusiya Kubokunda final görüşü keçirilib.

KONKRET.az xəbər verir ki, həlledici qarşılaşmada “Lokomotiv” və “Krılya Sovetov” komandaları üz-üzə gəlib. Nijni Novqorodda təşkil olunmuş qarşılaşma Moskva təmsilçisinin qələbəsi ilə yekunlaşıb – 3:1. Qalib komandadan qolları Fransua Kamano 15-ci, Fyodor Smolov penalti ilə 48-ci, və Murilo 84-cü dəqiqədə vurub. Samara klubundan isə Vladislav Sarveli 22-ci dəqiqədə fərqlənib.

“Lokomotiv” tarixində hamıdan çox – 9-cu dəfə Rusiya Kubokunu qazanıb. “Krılya Sovetov” isə 2-ci dəfə finalda oynayıb.