Aşağı keyfiyyətli quru qidaların tədarükü zamanı Rusiya Müdafiə Nazirliyinə dəyən ziyan ən azı 1,3 milyard rubl təşkil edir.

KONKRET.az xəbər verir ki, TASS bu barədə  Rusiya hüquq-mühafizə orqanlarına istinadən məlumat yayıb: “Departament təqsirləndirilən şəxsə qarşı mülki iddia qaldıra bilər. İstintaq başa çatdıqdan sonra buna qərar veriləcək”, – deyə hüquq-mühafizə orqanlarından agentliyə bildiriblər. Pulun bir hissəsinin müsadirə olunduğu və ya müttəhimlərin hesablarına həbs qoyulduğu bildirilir. Təqsirləndirilən şəxslər müəssisənin keçmiş rəhbərləri- Aleksandr Mixaylenko, Valeri Kovaleviç və Elvira Smirnovadır. Təqsirləndirilənlər arasında istintaq təcridxanasında dünyasını dəyişən iş adamı İqor Kotelnikov da olub.

Vəli Həsənoğlu,

KONKRET.az