Rusiya şirkəti İrəvanda metro tikəcək Rusiyanın “Metrogiprotrans” şirkəti İrəvanda yeni metro stansiyası layihələndirəcək və yaxın zamanlarda inşasına başlayacaq.
KONKRET.az erməni mediasına istinadən xəbər verir ki, “Metrogiprotrans” paytaxtda yeni bir metro stansiyasının dizaynı üçün İrəvan Bələdiyyəsinin tenderində qalib olub.
Bunu Ermənistanın iqtisadiyyat naziri Vahan Kerobyan İctimai Televiziyaya müsahibəsində deyib.
Onun sözlərinə görə, Rusiya tərəfi bu layihəni maliyyələşdirməyi, həmçinin tikinti işlərini həyata keçirməyi təklif edib.
İnvestisiya proqramının ümumi dəyəri 150 milyon dollardır. Kerobyan qeyd edib ki, məsələ 10 illik maliyyələşdirmə ilə bağlıdır və bu barədə artıq yazılı razılaşma var.
Rəsmiyyə Şərifova,
KONKRET.az