Rusiyada neft boru kəmərində partlayış baş verib.

KONKRET.az xarici KİV-ə istinadən xəbər verir ki, hadisə Rusiyanın Leninqrad vilayətində olub.

Bildirilib ki, Lenqrad vilayətinin Benqardovka və Kovalevo şəhərləri arasında yerləşən məntəqədən keçən neft kəmərində güclü partlayış baş verib.

Leninqrad vilayətinin qubernatoru Aleksandr Drozdenko partlayışla bağlı məlumat verib:

“Benqardovka ilə Kovalevo arasındakı neft kəmərində təzyiq nəticəsində baş verən yanğın yanğınsöndürmə və xilasetmə qrupları tərəfindən söndürülüb. Ölən yoxdur, qəzanın səbəbləri ilə bağlı araşdırmalar davam edir”.