Meta şirkəti ilə danışıqlar uğurla başa çatarsa, messencerin fəaliyyəti Rusiyada yenidən bərpa oluna bilər.

KONKRET.az xəbər verir ki, Dmitri Peskov bildirib ki, messencerin fəaliyyətinin bərpası yalnız Meta Platforms şirkətinin Rusiya hakimiyyəti ilə dialoqa hazır olması və mövcud qanunvericiliyin tələblərinə əməl etməsi halında mümkündür.

Onun sözlərinə görə, qanunlara riayət edildiyi təqdirdə tərəflər arasında razılaşma əldə etmək imkanı yaranacaq.

Peskov vurğulayıb ki, qarşılıqlı əməkdaşlıq üçün əsas şərt şirkətin Rusiya qanunvericiliyinə hörmətlə yanaşmasıdır.

Müşviq Tofiqoğlu
KONKRET.az