Moskva vilayətində Rusiya Qvardiyası və Daxili İşlər Nazirliyinin birgə keçirdiyi əməliyyat nəticəsində miqrasiya qanunvericiliyini pozan 15 xarici vətəndaş aşkarlanıb.
KONKRET.az xəbər verir ki, yoxlamalar Elektrostal şəhərində – “Fryazino” dəmiryolu stansiyasında və Mira küçəsində yerləşən ticarət mərkəzində aparılıb. Bu barədə məlumatı region üzrə Rosqvardiyanın mətbuat xidməti yayıb.
Aşkarlanmış şəxsləri cərimə və deportasiya gözləyir. Hazırda hüquq-mühafizə orqanları qeyri-qanuni miqrasiyanı təşkil edən kanalların təşkilatçılarının müəyyən edilməsi və məsuliyyətə cəlb olunması istiqamətində araşdırmaları davam etdirir.
Natiq Səlim,
KONKRET.az