Gürcüstanın keçmiş prezidenti Salome Zurabişvili Tbilisidə keçirdiyi brifinqdə yeni ofisini təqdim edib və orada “prezident funksiyalarını” yerinə yetirməyə davam edəcəyini bildirib.

KONKRET.az xəbər verir ki, bu barədə TASS məlumat yayıb: “Bu gün mən sizi Orbel sarayının (prezident iqamətgahı) davamı olan yeni ofisdə salamlamaq istəyirəm. Burada həmin iqamətgahın ruhu var və prezidentin funksiyaları burada davam edəcək”, – deyə Zurabişvili bildirib. Onun sözlərinə görə, ölkə dərin böhran içindədir. Çıxış yolu yalnız  parlament seçkilərinin təyin edilməsidir. Zurabişvili Gürcüstan əhalisi ilə görüşəcəyini, xüsusən yanvarın 10-da ölkənin qərbindəki Zuqdidi şəhərinə gedəcəyini bildirib: “Mən prezidentəm və prezident olaraq da qalacam”. Zurabişvili oktyabrın 26-da keçirilən parlament seçkilərinin nəticələrini tanımır və özünü yeganə legitim prezident hesab edir.

Vəli Həsənoğlu,

KONKRET.az