İranın ali dini liderinin Ərdəbildəki nümayəndəsi Seyid Həsən Cəbəl Amuli növbəti dəfə Azərbaycana dair əsassız iddiaları ilə gündəmə gəlib.

KONKRET.az Globalinfo.az-a istinadən xəbər verir ki, bu barədə SEPAH-ın teleqram kanalında video paylaşılıb.

Yayılan videoda Amuli İran–İsrail müharibəsi dövründə azərbaycanlı bir şəxsin ona zəng edib İranın qələbəsi üçün nəzir etdiyini iddia edib.

O, həmçinin başqa bir azərbaycanlının yanına gələrək Qasım Süleymaninin onun hansı çiyninə əl qoyduğunu soruşduğunu, cavab aldıqdan sonra isə Amulinin həmin çiyni öpdüyünü söyləyib.