“Xain Paşinyanın rəhbərlik etdiyi hər kəs mühakimə olunmalıdır”.

KONKRET.az xəbər verir ki, bunu rusiyalı təbliğatçı Marqarita Simonyanın əri Tiqran Keosayan deyib.

“Xain Paşinyanın rəhbərlik etdiyi hər kəs mühakimə olunmalı və sonra ömürlük həbs edilməlidir. Amma kameraya yox, çuxura. Onlar minlərlə adamın ölümünə, xalqımızın alçaldılmasına görə günahkar bir xaindirlər. İndi isə, uşaqlar, gəlin hamımız ona tüpürək”, – Simonyanın əri qəzəblənib.

Onun baş nazirə qarşı kəskin fikirləri bununla bitməyib:

“Sənə uzun illər ömür arzulayıram ki, sən, Nikol, ölüm üçün inanmadığın Allaha mümkün qədər uzun müddət dua edəsən. Və ölüm başınıza gəlməsin”, – deyə Keosayan Paşinyanı lənətləyib.

Günel Mikayılova,

KONKRET.az