HƏMAS Almaniyada terror aktları planlaşdırır.
KONKRET.az xəbər verir ki, bu barədə məlumat “Welt am Sonntag” qəzetinin araşdırmasında yer alıb.
Nəşrin məlumatına görə, hədəflər İsrailin Berlindəki səfirliyi və Reynland-Pfalzdakı ABŞ hərbi bazası ola bilər. Müstəntiqlər bu ehtimalı 2023-cü ilin dekabrında həbs edilmiş Livan əsilli şübhəlinin mobil telefonunda olan xəritələrə əsasən irəli sürüblər. Şübhəlinin bu obyektləri güddüyü güman edilir. Məlumata görə, şübhəli Livandakı HƏMAS liderlərinin göstərişi ilə hərəkət edirdi.
Karlsrue Federal Baş Prokurorluğu davam edən istintaqa istinad edərək, şərh verməkdən imtina edib.