Türkiyə Silahlı Qüvvələri İraqın şimalında PKK yaraqlılarına qarşı genişmiqyaslı quru hərbi əməliyyat keçirməyi planlaşdırır.
KONKRET.az Türkiyə mətbuatına istinadən xəbər verir ki, “Pençe-Kilit” antiterror əməliyyatının keçiriləcəyi ilə bağlı İraqın mərkəzi administrasiyaları, eləcə də Ərbilə məlumat verilib. Bu əməliyyat nəticəsində Türkiyə tərəfi İraqla sərhədin bütün 378 km-ni terrorçulardan təmizləməyi nəzərdən keçirir.
Türkiyə prezidenti Rəcəb Tayyib Ərdoğan daha əvvəl bəyan etmişdi ki, Ankara yayda İraqla sərhəd təhlükəsizliyi məsələsini həll etməyi düşünür, həmçinin Suriya sərhədində 30-40 km dərinlikdə təhlükəsizlik dəhlizi yaratmağa çalışır.
Rəsmiyyə Şərifova,
KONKRET.az