Təhsil Nazirliyi özəl ümumi təhsil müəssisələri ilə bağlı müraciət yayıb.
KONKRET.az-a daxil olan məlumatda bildirilir ki, sentyabrın 15-dən ölkəmizdə 2020-2021-ci tədris ilinə start verilib. Pandemiya ilə əlaqədar olaraq, dərslər həm əyani, həm də distant (məsafədən) formada təşkil edilir. Müəyyən edilmiş qaydalara əsasən, I-IV siniflər tədris ilinə əyani və distant (məsafədən), V-XI siniflər isə distant formada başlayıb.
2020-2021-ci tədris ilində ümumi təhsil müəssisələrində tədris və təlim-tərbiyə prosesinin karantin rejimində təşkili Nazirlər Kabinetinin müvafiq Qərarı əsasında həyata keçirilir. Belə ki, Bakı, Sumqayıt şəhərləri və Abşeron rayonunun ümumi təhsil müəssisələrinin fəaliyyəti əyani olaraq həftədə 2 dəfə, digər şəhər və rayonlarda isə əyani formada həftədə 3 dəfə xüsusi tədris planlarına uyğun təşkil edilir.
Lakin sosial şəbəkələrdə bəzi özəl ümumi təhsil müəssisələrində şagirdlərin həftədə 5 dəfə əyani şəkildə tədrisə cəlbi ilə bağlı fikirlər səsləndirilir.
Bildiririk ki, bu, Nazirlər Kabinetinin tədrisin təşkili ilə bağlı müvafiq qərarlarına riayət edilməməsidir. Təhsil müəssisələrində tədrisin təşkili ilə bağlı bütün məsələlər Təhsil Nazirliyinin nəzarətindədir və belə hallar təsdiqini taparsa, müvafiq şəkildə tədbirlər görüləcək.
Tedris eyani formada heyata kecirelerse daha semereli olar, qalan forma ehemiyyetsizdi.
Çox doğru deyirsiniz.
Mən bütün təhsil müəssisələrinin açılması tərəfdarıyam.
Bəli,məktəblər açılmalıdır tam şəkildə.yoxsa savadsazlıq sonumuz olcaq.
Birinci maraqlanmalı idilər kimin evdə neçə uşağı var,evdə kamputer,planşet,telefon nə var?Yenə nə olur kasıba olur.Bu təhsil ilə hara gedirik,mən əyani təhsil istiyirəm.
Təhsil virtual formasında mənasız bir şeydir.həftədə əyani təhsil 2 yox 5 gün olsa daha səmərəli olar.kompyuterlər donur,dərs keçmək mümkün deyil.
👍
Cox duz fikirdi ne online ne de virtual tehsil olmaz menasiz bir seydi ancaq eyani olmalidi