Türkiyənin Samsun Yurt Savunma (SYS) şirkəti “CANİK M2” QCB 12.7 mm-lik ağır pulemyotun sınaqlarını tamamlayıb.

KONKRET.az Türkiyə mənbələrinə istinadla xəbər verir ki, bu barədə şirkətin icraçı direktoru Utku Aral məlumat verib.

Onun sözlərinə görə, yeni silah Afrika və Cənub-Şərqi Asiya bazarlarında böyük potensiala malikdir:

“Dünyada bu cür silah istehsal edən yalnız dörd şirkət var. Türkiyənin SYS-nin beşinci şirkət olacağından qürur duyuruq. İldə iki min iri çaplı “CANIK M2″ pulemyotun istehsalını planlaşdırırıq. Bu günə qədər 650 ədəd istehsal etmişik”.publika.az