Son dövrlərdə smoothie və bowl kimi sağlam qidalar arasında məşhurlaşan qaragilə, həm ləzzəti, həm də zəngin tərkibi ilə diqqət çəkir.

KONKRET.az pravda.az-a istinadən bildirir ki, tünd mavi-bənövşəyi rəngə malik bu meyvə vitamin və mineral baxımından olduqca zəngindir.

Hüceyrə qoruyucusu

Qaragilə yüksək antioksidant tərkibi ilə hüceyrə zədələnmələrinin qarşısını almağa kömək edir. Oksidativ stressə qarşı mübarizə aparır, orqanizmi zərərli təsirlərdən qoruyur.

Vitaminlərlə dəstək

C və E vitaminləri ilə immun sistemini gücləndirir, K vitamini və minerallarla (magnezyum, kalsium, manqan) isə sümük və dəri sağlamlığını dəstəkləyir.

Ürək sağlamlığını qoruyur

Qaragilə xolesterin və yağ ehtiva etmədiyi üçün ürək-damar sistemi üçün faydalıdır. Tədqiqatlar onun qan təzyiqini tənzimləməyə və damar funksiyasını yaxşılaşdırmağa kömək etdiyini göstərir.

Həzm sisteminə yaxşı təsir edir

Antosiyanin və liflə zəngin olan bu meyvə bağırsaq sağlamlığını dəstəkləyir, qəbizliyin qarşısını alır və həzmi asanlaşdırır.

Yaddaşı gücləndirə bilər

Müntəzəm qaragilə istehlakı yaddaşı yaxşılaşdırır və yaşla əlaqəli zehni zəifləməni yavaşlada bilər. Antioksidant təsiri ilə beyin hüceyrələrini qoruyur.

Qeyd: Təxminən 80 kalori olan bir fincan qaragilə, az kalorili olması ilə yanaşı, orqanizm üçün çoxsaylı faydalar təqdim edir. Sağlam qidalanmaq istəyənlər üçün ideal seçimdir.