Raket sınağına görə Yaponiya diplomatik kanallar vasitəsilə Şimali Koreyaya etirazını bildirib.

KONKRET.az xəbər verir ki, bu barədə jurnalistlərə Yaponiyanın müdafiə naziri Nobuo Kişi məlumat verib.

“Biz səfirlik vasitəsilə Pxenyana etirazımızı bildirmişik. Hazırda araşdırma davam edir, lakin biz hesab edirik ki, raket ən hündür uçuş nöqtəsi 50 kilometr olub və o, təqribən 400 kilometr məsafəni qət edərək Yaponiyanın məxsusi iqtisadi zonasının yaxınlığında dənizə düşüb”, – deyə nazir bildirib.