Ağdamda 4 il əvvəl itkin düşdüyü bildirilən qızla bağlı axtarışlar davam edir. 1996-cı il təvəllüdlü Nərgiz Nəcəfova adlı qadının 2020-ci ilin mart ayında yaşadığı evdən çıxaraq bir daha geri qayıtmadığı bildirilib və həmin vaxtdan itkin kimi axtarılıb. Bildirilir ki, onu atası, Nəcəfov Şikar Süleyman oğlu 4 il əvvəl qətlə yetirərək evin həyətyanı sahəsində basdırıb.

KONKRET.az Modern.az-a istinadən xəbər verir ki, atasının qızını basdırdığını bildirdiyi yerdə aparılan ilkin qazıntı zamanı insan meyitinin qalıqları aşkar edilməyib.

Əldə etdiyimiz məlumata görə, qızın basdırıldığı yerdən çıxarılaraq kanala atıldığı ehtimal edilir. Hazırda Kanal ətrafında axtarışlar aparılır.