ABŞ-ın Kolorado ştatında ağ saqqalı bir nəfər bankı qarət edərək oğurladığı pulları küçəyə töküb.

KONKRET.az xarici mediaya istinadən xəbər verir ki, şahidlər oğrunun pulları küçəyə səpərkən: “Milad bayramınız mübarək!” – deyə qışqırdığını söyləyiblər.

Hadisə günorta saatlarında baş verib. Saqqallı şübhəli şəxs soyğundan sonra ərazidə dayanaraq həbsini gözləyib.

Ətrafdakı sakinlərin sözlərinə görə, pulların bir hissəsi küçədən toplanıb və banka qaytarılıb.

Hazırladı: Günel MUSEYİB