Beş NATO ölkəsi – Finlandiya, Estoniya, Latviya, Litva və Polşa Rusiya ilə sərhəd boyunca strateji əraziləri mina ilə möhkəmləndirməyə hazırlaşır. Məqsəd, Şərqi Avropada yeni bir “dəmir pərdə” yaratmaqdır.

KONKRET.az The Daily Telegraph-a istinadən yazır ki, Qəzetin məlumatına görə, bu ölkələr artıq Ottava Konvensiyasından çıxacaqlarını elan ediblər. Həmin konvensiya piyada əleyhinə minaların istifadəsini qadağan edən beynəlxalq sazişdir.

Mütəxəssislər bu addımın Avropada təhlükəsizlik balansına ciddi təsir göstərə biləcəyini, eyni zamanda regionda hərbi gərginliyi daha da artıracağını vurğulayırlar.

Natiq Səlim,
KONKRET.az