Filippin və Yaponiya iyulun 8-də müdafiə sahəsində əməkdaşlıq sazişi imzalayacaqlar.
KONKRET.az xəbər verir ki, bu sazişə əsasən Filippin və Yaponiya hərbçiləri öz ölkələrində qarşılıqlı əlaqədə ola və təcrübə mübadiləsi apara biləcəklər.
Filippin prezidenti kiçik Ferdinand Markosun mətbuat xidmətinin məlumatına görə, qarşılıqlı çıxış adlanan sazişin imzalanması Yaponiyanın xarici işlər naziri Yoko Kamikava və onun kabinetdəki həmkarı, müdafiə naziri Minoru Kiharanın Manilaya səfəri zamanı baş tutacaq.