Anasını öldürdüyü üçün aldığı 15 illik həbs cəzasını bitirib geri dönən 39 yaşlı Hüseyn Abbasov gələr-gəlməz bu dəfə 34 yaşlı bacısı Səbinə Abbasovanı qətlə yetirib.
KONKRET.az xəbər verir ki, hadisə Gəncədə baş verib.
Hüseyn Bərdədə yaşayan doğma anasını 2008-ci ildə döyə-döyə öldürüb. Bir neçə gün qabaq bıçaqla qətlə yetirdiyi bacısı isə ata bir, ana ayrı olan ögey bacısıdır.
Qeyd edək ki, əslən Kəlbəcərdən olan Səbinə Abbasova Gəncədə yaşayıb, burada müğənni kimi fəaliyyət göstərirmiş. Hadisənin motivini isə zərərçəkən ailə Hüseynin mülk və pul davası etməsi ilə əlaqələndirir. Hadisənin yeganə şahidinin nələr danışdığını budəfəki reportajda görüb-biləcəksiniz.