Hollandiya İsraili təhlükəli dövlət hesab edir.

KONKRET.az “Anadolu” agentliyinəı istinadən xəbər verir ki, Hollandiya İsraili təhlükə yaradan xarici ölkələr siyahısına daxil edib.

Agentliyin məlumatına görə, ölkənin əsas antiterror agentliyi olan Təhlükəsizlik və Terrorla Mübarizə üzrə Milli Koordinatorun (NCTV) dərc etdiyi son hesabatda İsrailin Hollandiyada ictimai rəyi manipulyasiya etmək və dezinformasiya kampaniyaları vasitəsilə siyasi qərarların qəbuluna təsir göstərmək cəhdlərinə işarə edilir.

Hesabatda həmçinin İsrail və ABŞ tərəfindən Haaqa Beynəlxalq Cinayət Məhkəməsinə (ICC) qarşı artan təhdidlərdən narahatlıq ifadə edilib. Çünki bu, potensial olaraq məhkəmənin işini poza bilər.

Müşviq Tofiqoğlu

KONKRET.az