Moskvada İnterpol xətti ilə axtarışda olan Azərbaycan vətəndaşı saxlanılıb.

KONKRET.az “REN TV”yə istinadən xəbər verir ki, 36 yaşlı kişi martın 21-də yol polisi əməkdaşları tərəfindən Xovrino ərazisində saxlanılıb.

Şübhəli şəxslə bağlı oriyentasiya Azərbaycan İnterpolundan, Bakıdan gəlib. Orada həmin şəxs əməliyyat-axtarış fəaliyyəti haqqında qanunu pozmaqda və külli miqdarda əmlakı ələ keçirmək məqsədilə hədə-qorxu ilə tələb etməkdə şübhəli bilinir.

Həmin şəxs barəsində həbs-qətimkan tədbiri seçilib. Saxlanılan şəxsin adı açıqlanmayıb.