Qeyd edək ki, hazırda “Real Sosyedad”da forma geyinən Mikel Oyarzabal Bask vilayətində – Eybar şəhərində doğulub. Aşağı yaş qruplarından etibarən İspaniya millisində çıxış edən futbolçu 2016-cı ildə Bask millisində 1 oyun keçirib. Bundan sonra İspaniyanın əsas heyətində 37 oyun keçirən oyunçunun 12 qolu var. O, Avropa çempionatında İngiltərəyə qarşı 2:1 hesabı ilə qalib gəldikləri oyunda 1 qolun müəllifi olub və ölkəsinə 4-cü Avropa çempionluğunu qazandırıb.