İsrail ordusunun mətbuat xidməti ölkənin siyasi rəhbərliyinin göstərişi ilə Suriyanın cənubundakı Əs-Suveydada Suriya hökumət qüvvələrinin hərbi texnikasına zərbələr endirildiyini bildirib.
KONKRET.az xəbər verir ki, zərbələr bir neçə zirehli texnikanın, o cümlədən tankların, zirehli transportyorların və minaatanların, eləcə də onların yuxarıda qeyd olunan əraziyə yaxınlaşmasının qarşısını almaq üçün endirilib.
“İsrail Müdafiə Qüvvələri hadisələri izləməyə, müdafiəyə və müxtəlif ssenarilərə hazırlaşmağa davam edir”, – mətbuat xidmətinin bəyanatında deyilir.
Eyni zamanda Suriya İnsan Haqlarını Müşahidə Qrupu (SOHR) Əs-Suveydada silahlı toqquşmalar nəticəsində 116 nəfərin həlak olduğunu, onlardan 64-nün druzi, 52-nin isə suriyalı əsgər və silahlı bədəvi olduğunu bildirir.
Müşviq Tofiqoğlu
KONKRET.az
— Newsfeed (@Newsfeed883920) July 15, 2025