Latviyanın milli təhlükəsizlik məsələləri üzrə komitəsi parlamentə immiqrasiya haqqında qanuna düzəlişlər təqdim edib.

KONKRET.az xəbər verir ki, yeni qanuna görə Rusiya, Belarus və digər MDB ölkələrinin vətəndaşları Latviyaya girməzdən əvvəl səfərləri barədə məlumat verməlidirlər.  Qanun layihəsinin müəllifləri qeyd ediblər ki, bəzi Şengen ölkələri, məsələn, Macarıstan ruslara və belaruslara viza verərkən hərtərəfli yoxlama aparmır. Eyni zamanda, Riqa hesab edir ki, Rusiyanın Ukraynaya təcavüzü səbəbindən Rusiya və Belarus vətəndaşları Latviyanın təhlükəsizliyinə təhdid yarada və kəşfiyyat fəaliyyəti həyata keçirə bilərlər. Təşəbbüs Latviyaya səfər etməyi planlaşdıran ruslara və belaruslara əvvəlcədən səfərin məqsədi, marşrutu, vaxtı və yeri, əlaqə məlumatları, habelə onların Rusiya hökuməti və təhlükəsizlik orqanları ilə əlaqələri barədə məlumatları əks etdirən xüsusi anket doldurmağı təklif edir. Bu məlumatın təqdim edilməməsi və ya yalan məlumat verilməsi 2000 avroya qədər cərimə ilə üzləşir. İstisnalar yalnız diplomatlar və ölkəyə qısamüddətli rəsmi səfərlər edən şəxslər üçün nəzərdə tutulub.

Vəli Həsənoğlu,

KONKRET.az