İtaliya sahillərində liviyalı miqrantları daşıyan qayıq batıb.

KONKRET.az xəbər verir ki, hadisə  nəticəsində 20 nəfər itkin düşüb. Lampeduza adasının meri bildirib ki, 7 miqrant xilas edilib. Sağ qalanlar arasında Almaniyada atasının yanına getməyə ümid edən 8 yaşlı suriyalı uşaq da var. Sağ qalanlar Lampeduzaya aparılıb. İtkin düşənlər arasında beş qadın və üç uşağın olduğu bildirilir. Kiçik qayıq Liviyanın Zuvara şəhərindən yola düşsə də, İtaliya sahilləri yaxınlığında çevrilib. Beynəlxalq Miqrasiya Təşkilatının məlumatına görə, Afrika və Avropa arasındakı dəniz miqrasiya marşrutu dünyanın ən təhlükəli yollarından biridir və 2014-cü ildən bəri Aralıq dənizinin mərkəzində 24500-ə yaxın miqrant ya itkin düşüb, ya da öldürülüb.

Vəli Həsənoğlu,

KONKRET.az