Şabranda ər arvadını bıçaqlayıb.

KONKRET.az unikal-a istinadla xəbər verir ki, hadisə rayonun Rəhimli kəndində yerləşən İlqar Abasov adına tam orta məktəbdə qeydə alınıb.

Belə ki, Şahbazov Asif Nəcəf oğlu məktəbin içində həyat yoldaşına çoxsaylı bıçaq zərbələri endirib.

İlkin məlumata görə, qadın övladının sənədlərini məktəbdən götürərək onun təhsilini Bakı şəhərində davam etdirmək istəyib. Bu səbəbdən cütlük arasında başlayan mübahisə qanla bitib.

Faktla bağlı Şabran Rayon Polis Şöbəsində araşdırma aparılır.