Ermənistanla münaqişə bitdikdən sonra mina terroru qurbanlarının sayı 336 nəfərə çatıb.

KONKRET.az xəbər verir ki, bu barədə Azərbaycan Xarici İşlər Nazirliyinin X sosial şəbəkəsindəki səhifəsində məlumat yayılıb.

Bildirilib ki, Ermənistan silahlı qüvvələri tərəfindən yerləşdirilmiş minaların “Azərbaycan vətəndaşlarını öldürmək və şikəst etmək”də davam edir.

Qeyd olunub ki, Tərtər rayonunda bu yaxınlarda baş vermiş mina partlayışı nəticəsində 24 yaşlı mülki vətəndaşın ayağı amputasiya olunub.