Ginnesin daimi rekordçusu amerikalı Devid Raş bir dəqiqə ərzində üç almanı 198 dəfə dişləyərək yeni rekorda imza atıb.

KONKRET.az xəbər verir ki, bu barədə “UMP” nəşri yazıb.

“Qaydalar sərtdir, ona görə də hər dişləmə kiçik, dəqiq və sürətli olmalıdır. Udmağa vaxt yoxdur (baxmayaraq ki, udmağa icazə verilir), buna görə də hərəkət etməyə davam edərkən parçaları tüpürməli oldum”, – portal Raşdan sitat gətirir.

Qeyd edək ki, Devid Raş yeddi il əvvəl, 2018-ci ildə Massaçusets Texnologiya İnstitutunda kəndirbazların qurultayında əvvəlki rekorda – üç almanı 164 dəfə dişləyərək imza atmışdı.//“Qafqazinfo”