Rusiya Prezidentinin mətbuat katibi Dmitri Peskov ABŞ-ın keçmiş prezidenti Donald Trampın Ukrayna münaqişəsinə dair mövqeyindən danışıb. O bildirib ki, Tramp bu məsələdə neytral mövqe tutur və münaqişənin həlli ilə real şəkildə məşğuldur.

KONKRET.az xəbər verir ki, Peskovun sözlərinə görə, Avropa siyasətçilərinin yanaşması isə “açıq şəkildə Ukrayna tərəfini dəstəkləyir” və bu səbəbdən onların vasitəçilik cəhdləri qeyri-obyektiv ola bilər.

“Əsl vasitəçi yalnız münaqişə tərəflərindən eyni məsafədə dayanan tərəf ola bilər”, – deyə Peskov əlavə edib.

Natiq Səlim,
KONKRET.az