Qazaxıstanın prezidenti Qasım-Comərd Tokayev bu gün gənclər forumunda çıxışı zamanı universitet və kollec tələbələrinə təqaüdlərin 2020-ci ilin yanvar ayından etibarən 25% artırıldığını açıqlayıb.
KONKRET.az-ın Orta Asiya ölkələri üzrə bürosunun verdiyi xəbərə görə, prezident “yanvarın 1-dən bakalavr, magistr və doktorantlara təqaüdü 25% artırmaq” barədə göstəriş verib, ümumilikdə yeni qərar təxminən 130 min tələbəyə şamil olunacaq.
Dövlət başçısının sözlərinə görə, kollec tələbələrinə də oxşar dəstək veriləcək.