“Qadın sürücüyə qorxulu anlar yaşadan taksi sürücüsü saxlanılıb”.

KONKRET.az xəbər verir ki, bu barədə Daxili İşlər Nazirliyindən (DİN) məlumat verilib.

Bildirilib ki, şəxs barədə toplanan materiallar baxılması üçün məhkəməyə göndərilib:

“Yolun hərəkət hissəsində avtomobilini saxlayaraq dəyənəklə digər sürücüyə hədə-qorxu gələn Sumqayıt şəhər sakini Namiq Sultanov polis əməkdaşları tərəfindən müəyyən olunaraq saxlanılıb. Şəxs barədə toplanan materiallar baxılması üçün məhkəməyə göndərilib”.

Xatırladaq ki, hadisə may ayının 23-də 11:36-da Bakı-Sumqayıt yolunun Beynəlxalq Avtovağzal Kompleksi yaxınlığından keçən hissəsində baş verib. Üzərində taksi nişanı olan nəqliyyat vasitəsinin sürücüsü idarə etdiyi “Opel” markalı 99-UP-654 dövlət nömrə nişanlı avtomobili ilə xanım sürücünün qarşısını kəsib. Daha sonra əlində dəyənəklə nəqliyyat vasitəsindən düşərək xanım sürücünün avtomobilinə doğru hücum çəkib.