Çoxmənzilli binalarda tez-tez mübahisələrə səbəb olan zibilləri qapının qabağına qoymaq vərdişi indi böyük cərimələrlə qarşılanır.

KONKRET.az “Sözcü” nəşrinə istinadən xəbər verir ki, bələdiyyələr və bələdiyyə polisi şikayətlərə cavab olaraq icra tədbirlərini artırıb və hətta bircə məlumat da cinayət işinin başlanması üçün kifayət edir.

Ətraf Mühit Qanununa görə, mənzillərin qapıları qarşısında qalan zibil torbaları ətraf mühitin çirklənməsi hesab olunur. Bu, nəinki xoşagəlməz qoxular və zərərvericilərlə bağlı problemlər yaradır, həm də qonşular arasında gərginliyə səbəb olur.

Yoxlamalar zamanı qapının qarşısında zibil aşkar edilərsə, ev sahibi və ya kirayəçi inzibati cərimələrə məruz qalır. Bu cərimələr yerə görə fərqli olsa da, minlərlə lirəyə çata bilər.

Eyni zamanda, ətraf mühiti çirkləndirən digər qanun pozuntuları da böyük cərimələrə səbəb olur. Tullantı obyektləri qurmayan və ya işlətməyənləri 1 milyon 671 min 844 türk lirəsinə qədər cərimə gözləyir, səs-küyə görə isə ərazidən asılı olaraq 11 min türk lirəsindən 334 min türk lirəsinə qədər inzibati cəza nəzərdə tutulur.

Dəniz Pənahova 

KONKRET.az