Rusiyanın Həştərxan şəhərində seriyalı qatil, milliyyətcə erməni olan Vahan Safaryan saxlanılıb.

KONKRET.az xəbər verir ki, bu barədə “SHOT” “Telegram” kanalı yazıb.

Mənbə qeyd edir ki, o, cinayətlərə 90-cı illərin sonu – 2000-ci illərin əvvəllərində başlayıb.

Safaryan ilk dəfə 2004-cü ildə saxlanılıb. O, adam öldürdükdən sonra 19 il müddətinə həbs cəzasına məhkum edilib.

2023-cü ildə cəza müddətinin bitməsindən bir qədər əvvəl azadlığa buraxılıb və icbari işlərə göndərilib.

Lakin müstəntiqlər onun 26 il əvvəl ikiqat qətldə iştirakını sübut etdiyi üçün o, uzun müddət azadlıqda qalmayıb. 1998-ci ildə Safaryan Həştərxanda mənzilə daxil olaraq, ana və qızını boğub, sonra isə 45 min rubl pulu götürüb.

İndi Safaryan yenidən saxlanılıb və həbs edilib. O, “İki və ya daha çox şəxsi öldürmə” maddəsi ilə ittiham olunur.

KONKRET.az