Hollandiyadakı koronavirus epidemiyasından sonra uşaqlarda ağır streptokok (Strep A) infeksiyası hallarının sayının sürətlə artdığı müəyyən edilib. 

KONKRET.az xarici KİV-ə istinadən xəbər verir ki, Hollandiyadakı 7 uşaq xəstəxanasının birgə araşdırmasına görə, bu ilin əvvəlindən Strep A bakteriyasına görə xəstəxanaya yerləşdirilən uşaqların sayı kəskin artıb.

Boğazda və dəridə zərərsiz bakteriya olaraq meydana gələ bilən Strep A bəzən boğaz infeksiyasına və ya qızdırmaya səbəb ola bilər.

Bakteriyalar bəzən qan zəhərlənməsi, pnevmoniya, ciddi dərialtı infeksiya və ya sümük infeksiyası kimi ciddi nəticələrə səbəb ola bilər.

Adətən 5 yaşdan kiçik uşaqlarda təsirli olan bakteriya səbəbiylə 5 uşaq ölüb. Ekspertlərin fikrincə, bu, çox yüksək rəqəmdir.

Ekspertlərin sözlərinə görə, 2018-ci ildə cəmi 2 hadisə aşkar edilsə də, 2019-cu ilin ikinci rübündə bu rəqəm 9-a yüksəlib.

Bu ilin əvvəlindən bu günə qədər yoluxmaların sayı kəskin artıb. İlin ikinci rübündə 28 uşaq ağır inflyasiya diaqnozu ilə xəstəxanaya yerləşdirilib.