“Moğollar” qrupunun üzvü, məşhur türkiyəli sənətçi Cahit Berkay İstanbulun Esenyurt rayonunda avtomobili ilə restorana çırpılıb.

KONKRET.az xəbər verir ki, bu barədə Oxu.Az İHA-ya istinadən məlumat yayıb.

Məlumata görə, sənətçi öz avtomobili ilə hərəkət edərkən qəfildən idarəetməni itirib və yol kənarındakı restorana çırpılıb. Cahit Berkay qəzadan yüngül xəsarətlərlə xilas olub və müayinə üçün xəstəxanaya aparılıb.

Restorana isə ciddi ziyan dəyib.

Hadisə ilə bağlı araşdırma başlayıb.