Rəsmi Bakı Estoniya Xarici İşlər Nazirliyinə (XİN) etirazını bildirib.

KONKRET.az xəbər verir ki, bu barədə Azərbaycan XİN tviter hesabında məlumat yayıb.

“Biz Estoniya XİN-in Azərbaycanın Qarabağ bölgəsini köhnəlmiş sovet adı ilə adlandırmasını qəbuledilməz hesab edirik. Görünür, bu, qeyri-qanuni iqtisadi fəaliyyəti insanların iztirabları ilə bağlı iddialarla ört-basdır etmək, qanunsuz hərəkətlərə qarşı fəaliyyəti qabaqlamaq üçün yeni bir tendensiyadır. “Blokada”da avtomobillər keçərsə, yol necə bağlanır?”, – məlumatda qeyd olunub.