24 sentyabr tarixindən 340 nömrəli müntəzəm avtobus marşrutu fəaliyyətə başlayacaq.
KONKRET.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Bildirilib ki, yeni marşrut xətti Binə qəsəbəsinin Əli İsazadə küçəsini Mərdəkan qəsəbəsinin Hacı Zeynalabdin Tağıyev küçəsi ilə əlaqələndirəcək.
On ortatutumlu avtobus 10 dəqiqə hərəkət intervalı ilə sərnişinlərə xidmət göstərəcək.
Marşrutda gedişhaqqı 0.50 AZN təşkil edir. Avtobuslarda ödəniş nağdsız qaydadadır.