Yeni Zelandiya yaxınlığındakı Kermadek adalarında 6,0 bal gücündə zəlzələ baş verib.
KONKRET.az xəbər verir ki, bu barədə Avropa-Aralıq Seysmoloji Mərkəzindən bildirilib.
Məlumata əsasən, yeraltı təkanların episentri təxminən 110 min nəfər əhalisi olan Tauranqa şəhərindən 548 km şimal-şərqdə yerləşib. Zəlzələnin ocağı 60 kilometr dərinlikdə olub.
Xəsarət alanlar və dağıntılar barədə məlumat verilməyib. Sunami təhlükəsi elan edilməyib.