ABŞ Mərkəzi Komandanlığı (CENTCOM) İran limanlarına qarşı tətbiq edilən dəniz blokadasının gedişatına dair son rəsmi statistik rəqəmləri açıqlayıb. Məlumatda blokada əməliyyatlarının başladığı gündən bu yana bölgədə onlarla ticarət gəmisinə müdaxilə edildiyi bildirilir.
KONKRET.az xəbər verir ki, CENTCOM-un hesabatına əsasən, cari ilin 13 aprel tarixindən etibarən regional təhlükəsizliyi təmin etmək məqsədilə başladılan dəniz blokadası çərçivəsində ABŞ hərbi qüvvələri İrana doğru hərəkət edən 118 kommersiya gəmisinin istiqamətini məcburi şəkildə dəyişdirib. Komandanlığın bəyanatında həmçinin qeyd olunur ki, xəbərdarlıqlara tabe olmayan və müəyyən olunmuş qaydaları pozmağa cəhd göstərən daha 5 gəmi isə xüsusi əməliyyatla tamamilə sıradan çıxarılaraq hərəkətsiz vəziyyətə gətirilib.
Natiq Səlim,
KONKRET.az