NASDAQ birjasında səhər aparılmış ticarət əməliyyatları zamanı “Apple” şirkətinin səhmləri 4%-dən çox artaraq, 263.47 dollar səviyyəsinə çatıb ki, bu da şirkət üçün rekord göstərici olub.

KONKRET.az bu barədə “Bloomberg” agentliyinə istinadən xəbər verir.

Agentliyin analitikləri bu artımı oktyabrın 19-da “Loop Capital” investisiya şirkətinin “Apple” səhmlərinin hədəf qiymətini 226 dollardan 315 dollara qaldırmasından sonra proqnozlaşdırırdılar. “Loop Capital” öz qiymətləndirməsində “iPhone 17″nin gözləniləndən daha yaxşı satış göstəricilərinə əsaslanıb.

Belə ki, “Apple” üçün əsas bazarlar olan ABŞ və Çində ilk on gün ərzində “iPhone 17″nin satışları “iPhone 16″nın satışlarını 14% üstələyib.