Bayden administrasiyası İsrailə 8 milyard dollar dəyərində silah göndərməyi planlaşdırır.

KONKRET.az xəbər verir ki, bu barədə CNN məlumat yayıb. Mənbə bildirir ki, ABŞ Dövlət Departamenti İsrailin ABŞ-dən silah və sursat alacağı ilə bağlı Konqresə qeyri-rəsmi məlumat verib. Konkret olaraq, ABŞ İsrailə qırıcılar və hücum helikopterləri üçün raketlər, artilleriya mərmiləri, kiçik diametrli bombalar, əlavə JDAM sursatları, 500 funtluq bombalar və digər döyüş sursatları verəcək. Daha sonra vurğulanır ki, saziş İsrailin təhlükəsizliyinə uzunmüddətli dəstək üçün nəzərdə tutulub. Bəzi silahların Pentaqonun ehtiyatlarından İsrailə təhvil veriləcəyi gözlənilir, lakin əksər silahların çatdırılması “bir il və ya daha çox” vaxt aparacaq.İsrailə mümkün silah satışı ABŞ Nümayəndələr Palatasının və Senatın Xarici Əlaqələr Komitələri tərəfindən təsdiqlənməlidir.

Vəli Həsənoğlu,

KONKRET.az