İsrailin Baş naziri Binyamin Netanyahunun səhər saatlarında hökumət iclasında iştirak etməməsinin səbəbi qida zəhərlənməsi olub.

KONKRET.az xəbər verir ki, bu barədə məlumatı Baş nazirin kanselyariyası yayıb. Bildirilib ki, siyasətçinin səhhəti ötən gecə pisləşib, lakin əlavə tibbi müayinələrdən sonra vəziyyəti qənaətbəxş hesab edilib.

Həkimlərin tövsiyəsinə əsasən, Netanyahu qarşıdakı üç günü ev şəraitində istirahətlə keçirəcək və fəaliyyətini oradan davam etdirəcək.

Natiq Səlim,
KONKRET.az