Annalena Baerbok BMT Baş Assambleyasının yeni prezidenti olacaq.
KONKRET.az xəbər verir ki, Almaniyanın keçmiş xarici işlər naziri və Yaşıllar Partiyasının nümayəndəsi bu vəzifəyə rəqibsiz gedir və ekspertlər iyunun 2-nə təyin edilmiş qarşıdan gələn seçkiləri sırf formallıq sayırlar.
Bu barədə “Deutsche Welle” məlumat yayıb.
Baş Assambleyanın sədri vəzifəsi təntənəli olsa da, diplomatik vasitələrə çıxış açır və BMT-nin əsas nümayəndəlik orqanının gündəliyinə təsir etmək imkanı verir.
44 yaşlı Baerbok artıq nümayəndələr qarşısında çıxış edərək bunları deyib: “Mənbütün 193 Üzv Dövlətə xidmət edəcəm. Məqsədim birləşdirici olmaqdır.”
Yeni Prezidentin andiçmə mərasimi ümumi müzakirələrin başlamasına bir neçə gün qalmış 2025-ci il sentyabrın 9-na təyin edilib. Səlahiyyət müddəti bir ildir.
Baerbok 2021-2025-ci illərdə Almaniyanın xarici işlər naziri vəzifəsində çalışaraq özünü çoxtərəfli diplomatiya və beynəlxalq hüququn tərəfdarı kimi göstərib. Onun BMT-yə seçilməsi Almaniyanın xarici siyasəti üçün qlobal səhnədə əlamətdar addım kimi qiymətləndirilir.
Müşviq Tofiqoğlu
KONKRET.az