Yaponiya parlamentinin aşağı palatası oktyabrın 21-də Sanae Takaiçini ölkənin 104-cü baş naziri seçib.

KONKRET.az milliaz-a istinadən xəbər verir ki, o, bu posta seçilən ilk qadın olaraq tarixə düşüb.

465 deputatdan 237-si Takaiçiyə səs verib. Əsas rəqibi Yosihiko Noda isə 149 səs toplayıb.

Takaiçinin lideri olduğu Liberal Demokratik Partiya səs çoxluğuna malik olmadığından, bir gün öncə Yaponiya Yenilənmə Cəmiyyəti Partiyası ilə koalisiya qurub. Bu ittifaq onun seçilməsində həlledici rol oynayıb.