Dəfn və yas mərasimlərinin xərclərinin bələdiyyələr tərəfindən qarşılanıb-qarşılanmaması məsələsi cəmiyyətdə tez-tez müzakirə olunur. Bəs görəsən, bu xərclərin bələdiyyələr tərəfindən ödənilməsi mümkündürmü?
Mövzu ilə bağlı KONKRET.az-a açıqlama verən hüquqşünas Tağı Hüseynov bildirib ki, bununla bağlı bələdiyyələrin heç bir məcburiyyəti yoxdur:
“Xüsusi kateqoriyalı insanlar, müharibədə şəhid olanlar, milli qəhrəmanlar və bəzi dövlət qulluqçuları üçün istisnalar mümkümdür. Onların dəfn və yas mərasimləri dövlət büdcəsindən qarşılanır. Lakin bələdiyyələrin vətəndaşların dəfn və ya yas xərclərini ödəməsi barədə qanunvericilikdə heç bir müddəa yoxdur”.
Hüquqşünasın sözlərinə görə, hazırkı qanunvericiliyə əsasən, bələdiyyələrə bu istiqamətdə öhdəlik verilmir.
Aynurə İsmayıl
KONKRET.az