Dünya əhalisinin yarısı internetdən məhrumdurbackend

Dünya əhalisinin yarısı internetdən məhrumdur

Hazırda dünyada internetə çıxış imkanı olan insanların sayı, təxminən, 4 milyard nəfərdir ki, bu da dünya əhalisinin 53,6%-i deməkdir.

KONKRET.az xəbər verir ki, bu barədə Beynəlxalq Telekommunikasiya İttifaqının (İTU) “Ölçülən rəqəmli inkişaf: faktlar və rəqəmlər – 2019” adlı məruzəsində bildirilir.

Sənədə əsasən, 1 il bundan əvvəl sözügedən nisbət 48,3% təşkil edib. Yəni il ərzində internetlə əhatə olunmuş insanların xüsusi çəkisi 5,3 faiz bəndi artıb. Bununla belə, dünya əhalisinin, demək olar ki, yarısı internetdən məhrumdur.

Hazırda zəif inkişaf etmiş ölkələrdə hər 5 insandan 1-nin internetə çıxışı var.  İnternetdən istifadənin ən yüksək səviyyəsi Avropada (82,5%), ən aşağı səviyyəsi Afrikadadır (28,2%). Cari ilin sonunda ev sahiblərinin 57%-nin evdə internet imkanına sahib olacağı güman edilir.

Sənədə görə, hazırda dünya əhalisinin 96%-i mobil siqnalın çatdığı ərazilərdə, 93%-i isə ən azı 3G rabitəsinin işlədiyi ərazilərdə yaşayır. Adıçəkilən mobil rabitə növlərinin yayılması Amerika, Asiya-Sakit Okean, Avropa regionlarında 95%, ərəb ölkələrində 91%, MDB ölkələrində 88%, Afrikada 79%-dir.

Həmçinin dünyada kişilər arasında internet istifadəçilərinin payı 59%, qadınlar arasında 48%-dir. Yalnız Amerikada bu baxımdan gender bərabərliyinə nail olunduğunu söyləmək olar. Əksinə, Afrikada, Asiya-Sakit Okean və ərəb ölkələrində fərq artmaqdadır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*