Türkiyənin “Fənərbağça” klubu yoldaşlıq oyununda Rusiya təmsilçisi “Zenit”i məğlub edib.

KONKRET.az xəbər verir ki, “Şükrü Saracoğlu” stadionunda baş tutan matçda ev sahibləri 2:1 hesablı qələbə qazanıb.

Görüşdə hesabı İstanbul kollektivindən 20-ci dəqiqədə Cenk Tosun açıb. 35-ci dəqiqədə ruslar “status-kvo”nu bərpa ediblər. Aleksandr Yerohin adını tabloya yazdırıb. “Sarı-lacıvərdlilər”in qələbə qoluna isə 63-cü dəqiqədə Levent Mercan imza atıb.

Qeyd edək ki, “Fənərbağça”nın Türkiyə Superliqasında 26 xalı var. “Zenit” isə Rusiya Premyer Liqasında 36 xal toplayıb. Hər iki kollektiv öz çempionatlarında ikinci sırada qərarlaşıblar.

***

“Fənərbaxça”-“Zenit” matçında Türkiyə klubu önə keçib.

KONKRET.az xəbər verir ki, oyunun 63-cü dəqiqəsində Levent Mercan bərabərliyi pozub – 2:1.

***

“Fənərbaxça” “Zenit” matçında hesab bərabərləşib.

KONKRET.az xəbər verir ki, matçın 35-ci dəqiqəsində Aleksandr Yerohin türklərin qapısına yol tapıb – 1:1.

***

Türkiyənin “Fənərbaxça” və Rusiyanın “Zenit” klubları yoldaşlıq matçında üz-üzə gəlib.

KONKRET.az xəbər verir ki, bununla bağlı məlumatı İstanbul klubunun mətbuat xidməti yayıb.

Məlumata görə, hazırda Türkiyə klubu 1-0 öndədir.

Qeyd edək ki, oyun “Şükrü Saracoğlu”da keçirilir.