Amerikalı iş adamı İlon Mask ABŞ Prezidenti Donald Trampın Ukraynada yeni prezident seçkilərinin keçirilməsi ilə bağlı çağırışını dəstəkləyib. O, Ukraynanın yeni lider seçməsinin vaxtının çatdığını bildirib.

KONKRET.az xəbər verir ki, İlon Mask bu barədə X sosial şəbəkəsində yazıb.

“Razıyam. Ukraynanın yeni lider tapmasının vaxtı çatıb”, – deyə Mask qeyd edib.

İş adamı, həmçinin Ukrayna Prezidenti Volodimir Zelenskinin həddini aşdığını vurğulayıb. O, bu fikirləri Trampın Ukraynanın Rusiyanın neft emalı zavodlarına zərbələri dayandırmalı olduğu barədə açıqlamasına münasibət bildirərkən səsləndirib.

Xatırladaq ki, bundan əvvəl Donald Tramp Ukraynanın prezidentini dəyişməsinin vacibliyini bəyan edib. O, ölkəyə razılaşma əldə edə biləcək yeni lider tapmağı tövsiyə edəcəyini bildirib.

Trampın sözlərinə görə, Zelenski münaqişənin həlli ilə bağlı razılaşma əldə etmək üçün fürsətə malik olub, lakin naməlum səbəblərdən bundan istifadə etmir.

Günay Əli

KONKRET.az